ਦਿਵਿਆ ਜਯੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਸਤਿਸੰਗ ਸਮਾਗਮ ਕਰਵਾਇਆ

 ਕੋਟਕਪੂਰਾ, 27 ਅਕਤੂਬਰ- ਦਿਵਿਆ ਜਯੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਜਲਾਲੇਆਨਾ ਰੋਡ, ਕੋਟਕਪੂਰਾ ਵਿਖੇ ਸਤਿਸੰਗ ਪ੍ਰੋਗਰਾਮ ਕਰਵਾਇਆ ਗਿਆ। ਜਿਸ ਵਿੱਚ ਆਸ਼ੂਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ ਸਾਧਵੀ ਰੀਤੂ ਭਾਰਤੀ ਜੀ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਜ਼ਿਆਦਾਤਰ ਲੋਕਾਂ ਲਈ ਜੀਵਨ ਮੁਸ਼ਕਲਾਂ, ਚਿੰਤਾਵਾਂ, ਬਿਪਤਾ ਆਦਿ ਦੀ ਲੜੀ ਹੈ। ਕੁਝ ਲੋਕ ਇੱਦਾਂ ਦੇ ਰਾਮਰਾਜ ਦੀ ਭਾਲ ਕਰਦੇ ਹਨ,  ਜਿਸ ਵਿੱਚ ਸੁੱਖ ਹੀ ਸੁੱਖ ਹੋਵੇਗਾ,  ਕੋਈ ਦੁੱਖ ਨਹੀਂ ਹੋਵੇਗਾ। ਕੁਝ ਮੌਤ ਤੋਂ ਬਾਅਦ, ਉਹ ਸਵਰਗ ਵਿਚ ਸਦੀਵੀ ਸੁੱਖ ਦੀ ਉਡੀਕ ਕਰਦੇ ਰਹਿੰਦੇ ਹਨ। ਕੁਝ ਆਪਣੀ ਕਿਸਮਤ ਨੂੰ ਦੋਸ਼ੀ ਠਹਿਰਾਉਂਦੇ ਹਨ। ਸਵਾਲ ਇਹ ਹੈ ਕਿ ਜ਼ਿੰਦਗੀ ਵਿਚ ਸਕੂਨ ਕਿੱਥੋਂ ਲੱਭੀਏ।ਵੇਦਾਂਤ ਕਹਿੰਦਾ ਹੈ ਕਿ ਚੰਗੀਆਂ ਅਤੇ ਮਾੜੀਆਂ ਚੀਜ਼ਾਂ ਹਾਲਾਤ ਨਹੀਂ ਬਲਕਿ ਸਾਡੀਆਂ ਭਾਵਨਾਵਾਂ ਹਨ। ਬਾਹਰੀ ਸੰਸਾਰ ਜੀਵਨ ਦੀਆਂ ਸਮੱਸਿਆਵਾਂ ਦਾ ਕਾਰਨ ਨਹੀਂ ਹੈ। ਦੁਨੀਆਂ ਨਾ ਚੰਗੀ ਹੈ ਨਾ ਮਾੜੀ। ਚੰਗੇ ਮਾੜੇ ਦੀ ਇਹ ਦੁਨੀਆਂ ਬਾਹਰ ਨਹੀਂ ਸਗੋਂ ਮਨ ਦੇ ਅੰਦਰ ਹੈ, ਸੁਖ ਅਤੇ ਗਮੀ ਇੱਕੋ ਮਨ ਦੀਆਂ ਦੋ ਅਵਸਥਾਵਾਂ ਹਨ। ਧਾਰਮਿਕ ਗ੍ਰੰਥਾਂ ਵਿੱਚ ਬ੍ਰਹਮਗਿਆਨ ਨੂੰ ਮੁਕਤੀ ਦਾ ਸਾਰ ਦੱਸਿਆ ਗਿਆ ਹੈ। ਬ੍ਰਹਮਗਿਆਨ ਦੁਆਰਾ ਮਨ ਨੂੰ ਸ਼ੁੱਭ ਵੱਲ ਲਿਜਾਇਆ ਜਾ ਸਕਦਾ ਹੈ। ਪਰ ਬ੍ਰਹਮਗਿਆਨ ਦੀ ਪ੍ਰਾਪਤੀ ਤੋਂ ਬਾਅਦ ਸਾਨੂੰ ਇਹ ਯਤਨ ਆਪਣੇ ਆਪ ਹੀ ਕਰਨਾ ਪੈਂਦਾ ਹੈ। ਇਸ ਅੰਦਰੂਨੀ ਗਿਆਨ ਤੋਂ ਪ੍ਰਾਪਤ ਬ੍ਰਹਮ ਦਰਸ਼ਨ ਸਾਨੂੰ ਚੀਜ਼ਾਂ ਨੂੰ ਦੇਖਣ ਦਾ ਸਹੀ ਦ੍ਰਿਸ਼ਟੀਕੋਣ ਪ੍ਰਦਾਨ ਕਰਦਾ ਹੈ। ਜਿਸ ਕਾਰਨ ਮਨੁੱਖ ਨਕਾਰਾਤਮਕਤਾ ਵਿੱਚ ਵੀ ਸਕਾਰਾਤਮਕ ਮਹਿਸੂਸ ਕਰਦਾ ਹੈ। ਜਿਸ ਕਾਰਨ ਉਸ ਦਾ ਮਨ ਪਵਿੱਤਰ ਹੋ ਜਾਂਦਾ ਹੈ, ਉਹ ਦੁੱਖ ਵਿਚ ਵੀ ਸੁਖ ਦਾ ਅਹਿਸਾਸ ਦਿੰਦਾ ਹੈ। ਸਾਧਵੀ ਜੀ ਨੇ ਦੱਸਿਆ ਕਿ ਬ੍ਰਹਮ ਗਿਆਨ ਦੀ ਪ੍ਰਾਪਤੀ ਪੂਰਨ ਗੁਰੂ ਦੁਆਰਾ ਹੀ ਹੁੰਦੀ ਹੈ।