ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਆਪਣੇ ਮੇਜ਼ ਤੋਂ ਸਾਫਟ ਡਰਿੰਕ ਦੀਆਂ ਬੋਤਲਾਂ ਨੂੰ ਹਟਾਇਆ, ਜਦੋਂ ਇਸ ਦੀ ਹਰ ਪਾਸੇ ਚਰਚਾ ਹੋਣ ਲੱਗੀ। ਰੋਨਾਲਡੋ ਨੇ ਕਿਹਾ ਕਿ ਸਾਫਟ ਡਰਿੰਕਸ ਪੀਣ ਦੀ ਬਜਾਏ ਲੋਕਾਂ ਨੂੰ ਪਾਣੀ ਪੀਣ ਵੱਲ ਜ਼ਿਆਦਾ ਧਿਆਨ ਦੇਣਾ ਚਾਹੀਦਾ ਹੈ ਕਿਉਂਕਿ ਇਹ ਸਿਹਤ ਲਈ ਬਿਹਤਰ ਹੈ।
ਕੰਪਨੀ ਨੂੰ ਲਗਭਗ 293 ਅਰਬ ਰੁਪਏ ਦਾ ਨੁਕਸਾਨ ਹੋਇਆ ਜਦੋਂ ਰੋਨਾਲਡੋ ਨੇ ਮੇਜ਼ ਤੋਂ ਦੋ ਬੋਤਲਾਂ ਹਟਾ ਦਿੱਤੀਆਂ। ਹਰ ਕੋਈ ਜਾਣਦਾ ਹੈ ਕਿ ਸਾਫਟ ਡਰਿੰਕਸ ਸਿਹਤ ਲਈ ਹਾਨੀਕਾਰਕ ਹੁੰਦੇ ਹਨ, ਪਰ ਉਹ ਨਹੀਂ ਜਾਣਦੇ ਕਿ ਹਰ ਸਾਲ ਵਿਸ਼ਵ ਭਰ ਵਿੱਚ ਸਾਫਟ ਡਰਿੰਕਸ ਕਾਰਨ 2 ਲੱਖ ਤੋਂ ਵੱਧ ਮੌਤਾਂ ਹੁੰਦੀਆਂ ਹਨ।
ਸਿਹਤ ਦੇ ਮਾਮਲਿਆਂ ‘ਤੇ ਲਿਖਣ ਵਾਲੇ ਵਿਸ਼ਵ ਪ੍ਰਸਿੱਧ ਲੇਖਕ ਵੇਡ ਮੈਰੀਡੀਥ ਨੇ ਇੱਕ ਖੋਜ ਵਿੱਚ ਦੱਸਿਆ ਹੈ ਕਿ ਕੋਲਡ ਡਰਿੰਕ ਤੁਹਾਡੇ ਸਰੀਰ ਵਿੱਚ ਦਾਖਲ ਹੋਣ ਦੇ ਇੱਕ ਘੰਟੇ ਦੇ ਅੰਦਰ ਕੀ ਪ੍ਰਭਾਵ ਪਾ ਸਕਦੀ ਹੈ।
40 ਮਿੰਟ ਚ ਕੈਫੀਨ ਪੂਰੇ ਸ਼ਰੀਰ ਚ ਚਲੀ ਜਾਂਦੀ ਹੈ।
ਸ਼ੁਰੂਆਤੀ 10 ਮਿੰਟਾਂ ਚ 10 ਚਮਚ ਸ਼ੂਗਰ ਦੇ ਅੰਦਰ ਜਾਂਦੇ ਹਨ।
20 ਮਿੰਟਾਂ ਤਕ ਇਨਸੂਲਿਨ ਦਾ ਵਹਾਅ ਤੇਜ ਹੋ ਜਾਂਦਾ ਹੈ, ਲੀਵਰ ਨੂੰ ਫੈਟ ਬਣਾਉਣੀ ਪੈਂਦੀ ਹੈ।
40 ਮਿੰਟਾਂ ਬਾਅਦ ਅੱਖਾਂ ਤੇ ਅਸਰ ਪੈਂਦਾ ਹੈ ਅਤੇ ਨੀਂਦ ਟੁੱਟਦੀ ਹੈ।
60 ਮਿੰਟਾਂ ਬਾਅਦ ਸ਼ਰੀਰ ਚੋਂ ਪਾਣੀ ਸੁੱਕਣ ਲੱਗ ਜਾਂਦਾ ਹੈ।
ਹਾਰਵਰਡ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਅਧਿਐਨ ਨੇ ਦਿਖਾਇਆ ਹੈ ਕਿ ਸਾਫਟ ਡਰਿੰਕ ਪੀਣ ਵਾਲੇ ਪਦਾਰਥ ਨਾ ਸਿਰਫ ਮੋਟਾਪਾ ਵਧਾਉਂਦੇ ਹਨ ਬਲਕਿ ਜੀਵਨ ਦੇ ਦੁਸ਼ਮਣ ਵੀ ਹਨ। ਵਿਸ਼ਵ ਭਰ ਵਿੱਚ, ਹਰ ਸਾਲ 2 ਲੱਖ ਤੋਂ ਵੱਧ ਲੋਕ ਮਿੱਠੇ ਸਾਫਟ ਡਰਿੰਕਸ ਕਾਰਨ ਮਰਦੇ ਹਨ। ਇਸਦੇ ਕਾਰਨ, ਹਰ ਸਾਲ ਲਗਭਗ 1.5 ਲੱਖ ਲੋਕ ਸ਼ੂਗਰ ਕਾਰਨ ਮਰਦੇ ਹਨ, ਲਗਭਗ 6000 ਲੋਕ ਕੈਂਸਰ ਦੇ ਸ਼ਿਕਾਰ ਹੁੰਦੇ ਹਨ ਅਤੇ ਲਗਭਗ 44,000 ਲੋਕ ਦਿਲ ਦੀਆਂ ਬਿਮਾਰੀਆਂ ਦੇ ਸ਼ਿਕਾਰ ਹੁੰਦੇ ਹਨ।
